Hoe lyk die tuin van ons hart?

 

Elkeen wat lief is vir blomme weet dat beddings gereeld skoongemaak moet word!

 

Indien nie verstrengel onkruid en allerhande nare goed wat tussenin groei gou die bedding.

 

Indien daardie onkruid nie bitter gou uitgetrek word nie, kan jy skielik eendag sien dit het al die blomme oorweldig en verstrengel!

 

Dit het al ń paar keer by ons gebeur en elke keer is mens “spyt” dit het al so vêr gegaan!!! Dan is daar maar baie werk en blomme wat verlore gegaan het!

 

Ons moet gereeld ń checkup op ons hart se blomtuin doen! Waar het onkruid geval, wat kom op wat nie moet nie, wat het te vêr gegaan!

 

As ons dit nie gereeld doen nie kan ons soveel skade kry en soms kan dit werklik ń hele oes vernietig.

 

Elkeen van ons gaan deur dinge! Dis dalk verskillend, maar dit maak seer.

 

Ons bly ongelukkig in ń nie-perfekte wêreld en liggaam!!

 

Maar juis, ons moet introspeksie doen en die gemors van verbittering agv seer, vooroordeel, negatiwiteit, misverstande, onsuiwerheid ens wortel en als uittrek voor dit te vêr groei!

 

Gelukkig het ons ń Tuinier! ń PAPPA wat oneindig lief is, ons nooit sal afskryf nie en kom sê: “Kom ek help jou my kind! Vra my net! Niks is te veel vir my nie.”

 

Kom ons maak ons “beddings” skoon!

Kom ons geniet ons tuin saam met die ultimate TUINIER wat sagkuns ons kom help mooimaak en skoonmaak. Sy arms is oop, Hy is baie meer genadig met ons as wat ons met mekaar is!

 

Hoe lyk die bedding van jou hart, my hart?

 

Liefde

Yolandi

 

Pinterest foto